Jou ki te 2 Out 2025 lan, nan Oceanside Events Center, Massachusetts, Djakout #1 te make gran retou li, sou yon sèn kote konpa ayisyen an te fè kè moun kontan.
Bal sa a, Classic1804ent te reyalize sou non « Djakout #1 Back to the Stage », te make gran retou gwoup la aprè twa lane absans. Anons retou sa te fèt 18 Jiyè 2025 sou rezo sosyal yo te mete anpil kè kontan nan mitan fanatik yo menm lè se pa t tout, paske gen manm nan gwoup la nou konnen ki pa t pran pozisyon pou rejwenn ekip la.
Apre yon gwo kriz anndan gwoup la an 2023, ki te koz mesye yo fè yon kraze kite sa, Djakout #1, anba dirireksyon Auguste « Pouchon » Duverger ansanm ak mizisyen tankou Roro ak Didi Santana, te remèt yon bèl sware pou make retou sa. Anpil klasik tankou Bag La ak Biznis Pa’m te fè moun yo reviv ansanm tout enèji yo te konn jwenn nan djaz yo, yo pa t jwenn depi kèk jou.
Bal sa se kòmansman yon nouvo chapit, ap gen yon lòt bal ki prevwa pou 16 Out 2025 nan Fort Lauderdale. Men tout moun konnen tounen Djakout tounen an poko gen tout aprobasyon l paske rete yon dènye koub pou nèg yo pran, : “vin make gran retou yo sou sòl papa Desalin lan”, e nou konn se pap yon bagay fasil sitou jan sitiyasyon an ye, men gen espwa paske gwo rival yo T-Vice gentan fè l piblik la ap tann yo.
